Moska paralajmëron për pasoja nëse Ukraina përdor armë të prodhuara nga SHBA

Moska ka paralajmëruar për pasoja më serioze nëse Ukraina përdor sisteme raketash të shumëfishta të prodhuara nga SHBA ose armë të tjera me rreze të gjatë veprimi të furnizuara nga NATO kundër territorit rus.

Kështu ka deklaruar Konstantin Gavrilov, kreu i delegacionit rus në bisedimet në Vjenë për çështjet e sigurisë ushtarake dhe kontrollit të armëve, shkruan CNN.

“Nëse Forcat e Armatosura të Ukrainës përdorin sistemet raketore amerikane MLRS ose armë të tjera me rreze të gjatë veprimi të NATO-s kundër territorit rus, pasojat do të jenë më serioze.

Një rritje në transferimin e armëve perëndimore në Kiev mund ta detyrojë Federatën Ruse të kalojë në reagime më të ashpra”, tha Gavrilov sipas një deklarate të publikuar nga Ministria e Jashtme ruse.

Gavrilov tha gjithashtu se të gjitha synimet kryesore të vendosura nga Presidenti Vladimir Putin do të përmbushen në Ukrainë dhe u bëri thirrje qeverive perëndimore të dëgjojnë shqetësimet e Rusisë.

LEXONI GJITHASHTU

• Çmimet e gazit rriten pasi Rusia shkurton furnizimin në Gjermani
• Kush janë dy oligarkët rusë që presin pasaportë portugeze?