Mot i nxehtë gjatë javës, ulje e temperaturave në fundjavë

Dita e hënë ka nisur me vranësira, të cilat në zonat të caktuara mund të shkaktojnë dhe reshje, por sipas meteorologut të Meteoalb, Hakil Osmani nga e marta e në vijim do të ketë një përmirësim të motit.

Sa i takon vlerave termike, ditën e sotme do të arrijnë maksimumet deri në 34 gradë Celcius dhe minimumet në 15 gradë, ndërkohë prej nesër e në vijim do të ketë një rritje të ndjeshme të temperaturave.

Osmani sqaroi se të mërkurën dhe të enjten do të jetë kulmi i vlerave termike për javën, duke u afruar në 40 gradë Celcius, ndërsa në fundjavë moti do të freskohet përsëri.

Në Kosovë dhe Maqedoninë e Veriut do të ketë vranësira që mund të krijojnë dhe rrebeshe afatshkurtra, por jo problematike. Vlerat termike do të pësojnë rritje të ndjeshme me maksimumet në 39 gradë Celcius në Kosovë dhe 41 gradë Celcius në RMV.

LEXONI GJITHASHTU: 

• Mbizotërim i motit të kthjellët, pritet ulje e temperaturave
• Edhe sa do të zgjasë moti i paqendrueshëm? Hakil Osmani tregon si do të jetë koha këtë javë