Moti i keq ka përfshirë një pjesë të shteteve të Europës. Në Itali, përmbytjet kanë detyruar autoritetet të evakuojnë rreth 200 banorë.

Moti i keq me reshje të dendura shiu ka përfshirë shumë shtete të Europës duke shkaktuar përmbytje dhe probleme ne qarkullim.

Shumë rajone në  Austri, Zvicër, Poloni dhe  Slloveni kanë shpallur gjendjen e fatkeqësisë natyrore.

Sipas parashikimeve të motit stuhitë e shoqëruara edhe me rrufe pritet të godasin edhe Italinë.

Të paktën tre persona kanë humbur jetën në Zvicër si pasojë e përmbytjeve. Banorëve u është bërë thirrje të jenë në gjendje alerti dhe të ndjekin udhëzimet e autoriteteve.

Pjesa veriore e Italisë është duke përjetuar më shumë pasojat e motit të keq. Në shumë fshatra u ndërpre energjia elektrike për shkak të përmbytjeve,  në Piemonte u realizuan më shumë se 80 operacione shpëtimi, ndërsa më shumë se 200 qytetarë u evakuuan nga qyteza e Konjes.

LEXO GJITHASHTU:

• Stuhi dhe rrufe, moti i keq përshin disa vende të Ballkanit
• Rrebeshe shiu dhe temperatura të larta, parashikimi i motit për javën