Moti i keq përfshin Kosovën, përmbytet Prishtina, Gjilani dhe Skënderaj

Komuna e Prishtinës u përmbyt gjatë pasdites së djeshme. Në disa lagje të saj pati vërshime uji duke vështirësuar qarkullimin e mjeteve dhe qytetarëve.

Situata u normalizua në orët e vona të mbrëmjes. Në një reagim të Komunës së Prishtinës theksohet se përmbytja ka ardhur si pasojë e kapaciteteve të jo të mjaftueshme përthithëse të kanalizimeve në raport të intensitetin e lartë të reshjeve.

Forca e Sigurisë së Kosovës ka kaluar në gjendje gatishmërie për të mbështetur komunën në rast nevoje.

Në ditët e fundit, reshjet e shiut kanë shkaktuar dëme materiale edhe në komuna të tjera të Kosovës,  ku më të mëdha ishin në komunat e Gjilanit dhe Skënderajt.

Instituti Hidrometeorologjik ka parashikuar mot me shi edhe gjatë ditës së sotme.

Megjithatë, sipas këtij njoftimi, nuk parashikohet dalje e lumenjve nga shtretërit, që mund të sjellë pasoja të rënda.

Erërat e forta dhe reshjet e dendura të shiut kanë shkaktuar probleme edhe sa i përket furnizimit me energji elektrike në Gjakovë, Malishevë dhe Rahovec.

LEXONI GJITHASHTU:

• Të mërkurën përmirësohet moti, gjatë fundjavës temperatura deri në 38 gradë
• Përmbytjet shkaktojnë 190 viktima në Europë, fokusi tek rindërtimi