Moti i keq ‘pushton’ Kaliforninë, humbin jetën 17 persona

Më shumë se 33 milionë njerëz janë në rrezik nga stuhia vdekjeprurëse që goditi Bregun Perëndimor të SHBA-së, ku rrugët janë shndërruar në lumenj dhe balta ka bllokuar autostradat.

Të mërkurën, autoritetet konfirmuan se 17 persona kanë humbur jetën në Kaliforni si pasojë e motit të keq.

Njerëzit kanë mbetur të bllokuar në ashensorë gjatë ndërprerjeve të energjisë, makinat janë bllokuar dhe një nënë e bijë ishin mes katër personave që ranë në një gropë. Gjithashtu një stacion treni është përmbytur në qëndër të Los Anxhelosit.

Të dhënat nga Poweroutage.us treguan se erërat e forta shkaktuan dëme të mëdha në rrjetin elektrik, me 180,000 shtëpi dhe biznese që kanë mbetur pa energji.

Ekspertët kanë thënë se frekuenca dhe intensiteti në rritje i stuhive të tilla, të shkaktuara nga nxehtësia ekstreme dhe thatësirat, janë simptoma të ndryshimeve klimatike.

LEXONI GJITHASHTU: 

• Mjekja dermatologe: Vajzat më kërkojnë korigjime tek vetullat se duken me nerva
• Disa të plagosur nga një sulm me thikë në Paris
• “Pastruesja tamahqare, nxori hajdutin e qeverisë”, qytetarët revoltohen ndaj Klosit