Motori del nga rruga në aksin Fier-Libofshë, humb jetën drejtuesi 35-vjeçar

Një aksident me pasojë vdekjen e një personi është regjistruar pasditen e kësaj të diele në Fier. Policia bën me dije se një motor ka humbur kontrollin në aksin Fier-Libohovë duke dalë nga rruga.

Si pasojë ka humbur jetën drejtuesi i motomjeti rreth 35 vjeç. Policia ndodhet në vendin e ngjarjes dhe po kryen hetimet për zbardhjen e plotë të aksidentit.

“Fier/ Informacion paraprak. Në aksin rrugor “Fier-Libofshë”, shtetasi Xh. K., rreth 35 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga.

Si pasojë e daljes së motomjetit nga rruga ka humbur jetën shtetasi Xh. K. Grupi hetimor ndodhet në vendngjarje dhe po punon për sqarimin e plotë të rrethanave të aksidentit”, njofton policia.