Muaji i shenjtë i Ramazanit, Taulant Bica: Ceremonitë fetare do kryhen duke respektuar masat anti-COVID

Në disa shtete në Amerikë sot nis muaji i shenjtë i Ramazanit, ndërsa për pjesën më të madhe të botës nis nesër.

Sa i përket muajit të shenjtë të Ramazanit në vendin tonë, nënkryetari i Komunitetit Mysliman, Taulant Bica u shpreh në Euronews Albania se “të gjithë janë të gëzuar nga ky muaj për të përfituar nga mëshira e Zotit”.

Ai sqaroi se ceremonitë fetare do të kryhen duke respektuar masat anti-COVID.

“Adhurimet në Ramazan feja jonë i këshillon që të kryen bashkërisht në xhami, se ka më shumë shpërblim tek Zoti. Patjetër duke u munduar që të zbatojmë masat e duhura nga personat të cilët kanë kompetencë për të dhënë sugjerimet”, u shpreh ai.

“Lutjet e përbashkëta gjatë natës në xhami, këto iftaret ndoshta do t’i konvertojmë duke zbatuar edhe rregullat që ka vendosur Komiteti i Ekspertëve”, u shpreh ai më tej.

Lexoni gjithashtu:

Muaji i shenjtë i Ramazanit, mes kushteve të pandemisë, besimtarët myslimanë nisin agjërimin