Mungesa e teatrove privatë, Andi Tepelena: Duhet të ekzistojnë, konkurrenca rrit cilësinë

Skenat private në Shqipëri, sidomos ato teatrore janë të rralla, dhe koha ka treguar se secili sipërmarrës që ka tentuar të sjellë një ambient kushtuar artit, i ka kushtuar monetarisht dhe nuk kanë jetuar gjatë.

Dy teatro, ai i Roland Trebickës i hapur në 2019-ën dhe Teatri Kame i ndërtuar në 2005, janë mbyllur për shkak të mungesës së shfaqjeve teatrale.

“Përpjekje të cilat dështuan për fat të keq. Unë nuk kam pasur një mbështetje financiare për ta kthyer në një sipërmarrje të qëndrueshme këtë gjë”, u shpreh Andi Tepelena, përfaqësues i skenës së pavarur kulturore.

Për të, ekzistenca e teatrove privatë është e domosdoshme, pasi rrit konkurrencën dhe cilësinë e shfaqjeve.

“ Mbi të gjithë konkurrenca i bën mirë çdo lloj arti”, tha ai më tej.

Sa i takon galerive private ku ekspozohet arti pamor, fati i tyre nuk i ngjan atij të teatrove. Shumë prej tyre janë bërë një skenë e rëndësishme e ekspozimit të veprave.

Për Tepelenën realizmi i një ekspozite ka një kosto më të ulët se sa krijimi i një vepre teatrale që kërkon buxhet më të madh për skenografinë, kostumografin, efektet dhe një grup më të madh për realizimin e tij.

LEXONI GJITHASHTU:

• Krijimet e artistit të ri shqiptar që shkojnë përtej zhanerit klasik
• Kukulla ‘Amal’ shëtit Evropën, simbolizon 9-vjeçaren nga Siria që kërkon nënën