Murali që i dedikohet rezistencës ukrainase ngrihet në Berlin

Një mural që simbolizon rezistencën dhe unitetin me Ukrainën është ngritur në Berlin. Ai është krijuar nga artisti gjerman Dennis Schuster dhe ai ukrainas Andriy Kalkov.

Ky bashkëpunim shpreson të tregojë se Ukraina është pjesë e komunitetit të Bashkimit Evropian dhe ndan të njëjtat vlera të demokracisë, lirisë së shprehjes dhe barazisë.

“Ukraina do të bëhet pjesë e BE-së herët a vonë dhe ne po punojmë shumë për ta mundësuar këtë. Këtë u propozova edhe artistëve, të mendonin sikur ishim së bashku. Nuk ka të bëjë se çfarë kërkon Ukraina, por ajo që mund të japim dhe shanset që mund të krijojmë së bashku; të flasim për unitetin dhe demokracinë. Vlera të cilat i ndajmë të gjithë”, tha Katya Taylor, kuratore e projektit “Muri”.

Në të njëjtën kohë, titulli i veprës i referohet albumit kult të Pink Floyd, një kryevepër e rokut që flet për një hero që është lënë jashtë botës nga një mur, prapa të cilit ai përballet me demonët e tij të brendshëm

LEXONI GJITHASHTU:

• Qytetet ukrainase në errësirë, rusët po plaçkitin gjithçka, edhe objekte fetare
• Paralajmërimi i Ukrainës: Irani po dërgon dronë të sofistikuar ‘Arash-2’ në Rusi