Qytetet ukrainase në errësirë, rusët po plaçkitin gjithçka, edhe objekte fetare

Sulmet ruse ndaj termocentraleve kanë lënë shumë rajone në mëshirën e ndërprerjeve të energjisë.

Në terr është edhe kryeqyteti, Kiev. Dronët iranianë kanë qenë të rëndësishëm në këto sulme.

“Sot ka pasur mesazhe nga Irani, nga përfaqësues zyrtarë. Ata vendosën të pranojnë se kanë furnizuar drone për terrorin rus”, shprehet Zelensky

Kievi nuk i beson shpjegimet e Teheranit se ato i janë dhënë Rusisë përpara sulmit në kryeqytetin ukrainas.

Në Kherson, autoritetet e emëruara nga Rusia vazhdojnë të shumëfishojnë thirrjet e tyre për evakuimin, ukrainasit nga ana tjetër flasin për deportim të civilëve.

Gjithashtu, po shumëfishohen raportet se rusët gjatë largimit e tyre po plaçkitin qytetin, duke marrë autoambulanca, traktorë dhe makina private. Bashkë me to, edhe objekte historike dhe fetare. Ekspertët ushtarakë spekulojnë se Rusia tashmë mund të përgatitet të braktisë bregun perëndimor të lumit Dnipro.

LEXONI GJITHASHTU:

• Sulmet e Rusisë lënë pa energji 4,5 mln ukrainas
• SHBA-ja ndihmë të re për ushtrinë ukrainase