Epidemiologu Ilir Alimehmeti u shpreh në Euronews Albania se në Shqipëri javët e fundit ka një rënie të numrit të të infektuarve me COVID-19.
“Rënia është në mënyrë të vazhdueshme, u bë një muaj e gjysmë që ky indikator është në rënie. Gjithashtu është në rënie indikatori i shtrimeve spitalore”, u shpreh ai.
Mjeku Alimehmeti theksoi se duke qenë se javët e fundit situata e pandemisë është qetësuar disi, bën sens edhe lirimi i masave anti-COVID.
“Në Shqipëri kemi një rast kur numrat janë në rënie. Në Shqipëri që kemi një ulje numrash dhe bën sens lirimi i masave”, tha ai.
Sa i përket variantit të ri të virusit që u shfaq në Britaninë e Madhe, ai tha se nuk duhet të na shqetësojë, pasi nuk shkakton më shumë dëme nga ai i pari.
Teksa u pyet se a ka të infektuar në Shqipëri me këtë mutacion, ai tha se edhe mund të ketë.
“Edhe mund të ketë, por nuk na shqetëson. E para nuk është vënë re që ky mutacion të shkaktojë më shumë dëm, më shumë sëmundje dhe vdekshmëri, askund”, tha ai.
“Ajo që është e sigurt është që vaksina nuk ka ndryshim e in-aktivizon edhe këtë variant, njësoj si variantin e mëparshëm”, përfundoi mjeku.
Lexoni gjithashtu:
Mbi 600 raste të reja me COVID-19, humbin jetën pesë persona
