‘Na sulmojnë banditë me pushtet’, akuzat e viktimës së atentatit në Shkodër

Ismet Çekorja, viktima e atentatit të ndodhur mesditën e së premtes në qytetin e Shkodrës, është shprehur disa ditë më parë, se banditë të veshur me pushtet kanë sulmuar familjen e tij.

Këtë deklaratë, ai e dha për “Euronews Albania”, ku mohoi faktin se djali i tij është i përfshirë në atentatin ndaj Alban Brucit.

“Këto sulme ndaj familjes tonë i bëjnë disa bandit`, hajdutë biçikletash dhe banditë të veshur me pushtet, se cila është arsyeja ne nuk e dimë. Ajo që kërkojmë është drejtësia. Djali im është i pafajshëm dhe nuk ka marrë pjesë në asnjë prej ngjarjeve kriminale për të cilat është i dyshuar. Janë të gjithë inskenime. Kërkojmë drejtësi dhe të zbardhen ngjarjet”, u shpreh ai.

Sipas tij, i biri, mbrëmjen e 25 gushtit në orën kur ka ndodhur atentati, ndodhej në një mjedis i monitoruar nga kamerat e sigurisë.

Çekorja tregoi se prej tri vitesh Policia e Shkodrës i është vënë në shpinë djalit dhe familjes së tij, pasi për çdo ngjarje kriminale banesa e tyre rrethohet nga policia.

Alban Bruçi u qëllua me 19 plumba më 25 gusht në Shkodër, por arriti që të shpëtojë pa u plagosur.

25-vjeçari shkoi vetë në polici dhe bëri një kallëzim për këtë atentat për të cilin policia ka shpallur në kërkim shtetasin Bajram Çekorja dhe Tonato Fushën.

LEXONI GJITHASHTU

• Kush është viktima e atentatit në Shkodër, i biri në kërkim për plagosjen e Bruçit
• Atentat me armë zjarri në Shkodër, një viktimë (EMRI)
• Ismet Çekorja: Djali s’ka lidhje me antetatin, i bëjnë banditët e veshur me pushtet