Napoli përmbys 2-1 Juventusin, nisja më e dobët e sezonit për bardhezinjtë

Me dy gola në pjesën e dytë, Napoli i Luciano Spallettit arriti të përmbysë 2-1 Juventusin e Massimiliano Allegrit. Për bardhezinjtë kjo është humbja e dytë radhazi pas asaj me Empolin.

Në stadiumin “Diego Maradona” në ndeshjen e vlefshme për javëne tretë të Serie-A, Napoli e pa veten në disavantazh pas një gafe të mbrojtësit Manolas, Alvaro Morata shënoi për Juventusin në vetëm 10 minuta lojë.

Megjithatë ky rezultat i pjesës së parë u arrit të përmbysëj në të dytën. Si fillim Politano e më pas mbrojtësi Koulibaly në minutën e 85-të vulosën një përmbysje domethënëse për napolitanët, të cilët marrin përkohësisht vendin e parë me 9 pikë.

Për Juventusin ky është një nga fillim-sezonet më të vështira të dhjetëvjeçarit të fundit, pasi bardhezinjtë bëjnë tre javë pa fitore – 2-2 me Udinesen, o-1 me Empolin.

Kjo është hera e dytë që Juventus dështon të fitojë një nga tre ndeshjet e para të sezonit në Serie-A në 52 sezonet e fundit – për herë të parë në sezonin 2015-2016.

Për Spallettin fitorja ndaj Juventusit vlen shumë pasi e bën atë trajnerin e dytë në historinë e Napolit, pas Rafa Benitezit (sezoni 2013-2014), që fiton tre ndeshjet e para në Serie-A.

LEXONI GJITHASHTU:

• Cristiano Ronaldo feston me dy gola kthimin te Manchester United
• Bajrami nuk mjafton, Empoli mundet 2-1 në shtëpi nga Venezia