NASA merr mostrën e parë shkëmbore nga planeti Mars

NASA konfirmoi të martën se ka marrë mostrën e parë shkëmbore nga planeti Mars, javën e kaluar.

Ky është guri i parë marsian që është marrë me synim për t’u sjellë në tokë. Projekti që e ka bërë të mundur këtë quhet “Perseverance”.

“Marrja e mostrës së parë është një arritje e madhe”, tha shkencëtari i projektit “Perseverance”, Ken Farley.

“Kur t’i marrim këto mostra në tokë, do të na tregojnë shumë për kapitujt më të hershëm të evolucionit në Mars”, shtoi ai.

Roboti i dërguar në Mars arriti të siguronte një mostër shkëmbi në madhësinë e gishtit, të cilën e nxori duke gërmuar një vrimë brenda shkëmbit dhe e ruajti brenda një tubi cilindrik të titanit.

Së bashku me identifikimin dhe mbledhjen e mostrave shkëmbore, misioni i “Perseverance” përfshin studimin e rajonit Jezero, një krater në Mars ku besohet se dikur ka pasur prezencë uji.

NASA shpreson se kjo do t’i ndihmojë shkencëtarët të kuptojnë nëse dikur ka pasur jetë në Mars, si dhe të krijojnë një panoramë më të qartë mbi klimën e dikurshme të planetit të kuq.

“Perserverance” arriti në planetin Mars në shkurt të këtij viti, në kërkim të gurëve që mund të paraqesin dëshmi të jetës antike. Fillimisht, Pajisja e eksplorimit gërmoi në gurë të butë dhe mostra u thërrmua e nuk hyri brenda tubit të titanit, mirëpo këtë herë ia dolën.

It’s official: I’ve now captured, sealed, and stored the first core sample ever drilled on another planet, in a quest to return samples to Earth. It’s the first in a one-of-a-kind Martian rock collection. #SamplingMars

Read more: https://t.co/bs4Hd4Fzyw pic.twitter.com/2jwF7cOcMZ

— NASA’s Perseverance Mars Rover (@NASAPersevere) September 6, 2021

LEXONI GJITHASHTU:

• NASA në kërkim për të paraqitur dëshmi të jetës antike nga planeti Mars