NATO dhe BE thirrje Kurtit e Vuçiç për të ulur tensionin

Sekretari i Përgjithshëm i NATO-s, Jens Stoltenberg i bëri thirrje presidentit të Serbisë, Aleksandër Vuçiç kryeministri të Kosovës, Albin Kurti që të kthehen në dialog.

Përmes një postimi në Twitter, Stoltennerg thotë se ka folur me liderët e të dyja vende për domosdoshmërinë e rikthimit të normalitetit në veri të Kosovës.

Kreu i NATO-s shprehet se është jetike që Beogradi dhe Prishtina të tregojnë përmbajtje dhe t’i kthehen dialogut.

I spoke to @avucic of #Serbia & @albinkurti of #Kosovo about the need to de-escalate in the north of Kosovo. It’s vital both Belgrade & Pristina show restraint & return to dialogue. @NATO_KFOR’s mandate remains to ensure a safe & secure environment & freedom of movement for all.

— Jens Stoltenberg (@jensstoltenberg) September 26, 2021

“Misioni i NATO-a, KFOR mbetet i vendosur të sigurojë një mjedis të sigurt dhe liri të lëvizjes për të gjithë”, shprehet Stoltenberg.

Reciprociteti për targat i vënë në zbatim nga qeveria Kurti solli trazira në veri të Kosovës mesnatës e së premtes, teksa disa shtetas serbë dogjën Qendrën e Regjistrimit në Zubin Potok dhe hodhën granata dore edhe në Qendrën e Regjistrimit në Zveçan, por që nuk arritën ta djegin.

Të shtunën gjatë një konference për mediat, kryeministri Kurti kritikoi presidentin serb, Aleksandar Vuçiç, që sipas tij po inkurajon grupet kriminale në veri të Kosovës.

Përfaqësuesi i Lartë për Politikën e Jashtme në Bashkimin Evropian, Josep Borrell la bërë thirrje për qetësimin e tensionit mes Kosovës dhe Serbisë.

Serbia and Kosovo need to unconditionally de-escalate the situation on the ground. Any further provocations, unilateral or uncoordinated actions are unacceptable.

The EU-facilitated Dialogue remains the only platform to address & resolve all open issues.https://t.co/GVv54dKRBb

— Josep Borrell Fontelles (@JosepBorrellF) September 26, 2021

Borrell ka kërkuar tërheqjen e njëhershme të trupave speciale si dhe heqjen e bllokadës në rrugë në veri të Kosovës duke shtuar se “çdo provokim apo hap i njëanshëm është i papranueshëm”.

Përfaqësuesi i Lartë i BE bën përgjegjës Vuçiçin dhe Kurtin për cenimin e sigurisë së qytetarëve në Kosovë dhe Serbi. “Ua kam bërë të qartë këtë në telefonatën që kam pasur metë dy”, tha ai.

Përfaqësuesit e dy vendeve për negociatat pritet të takohen ditët e ardhshme në Bruksel dhe këtë Borrell e cilëson një hap i parë pozitiv.

LEXONI GJITHASHTU:

• Kurti: Në bllokimet e Jarinjës dhe Bërnjakut po marrin pjesë njerëz me veprimtari kriminale
• Situata në Veri, Albin Kurti merr mbështetjen e krerëve të opozitës