NATO në gatishmëri për vendosjen e armëve bërthamore

Sekretari i Përgjithshëm i NATO-s Jens Stoltenberg deklaroi se ka pasur konsultime mes anëtarëve të Aleancës për heqjen e armëve bërthamore nga magazinimi.

“NATO po diskuton vendosjen e më shumë armëve bërthamore përballë kërcënimit në rritje nga Rusia dhe Kina”, tha Stoltenberg për British Telegraph.

Ai vuri në dukje se transparenca për armët bërthamore duhet të jetë një nga themelet e strategjisë bërthamore të NATO-s në përgatitjen e Aleancës, siç tha ai, për një botë më të rrezikshme.

“Transparenca ndihmon për të përcjellë një mesazh të drejtpërdrejtë se ne jemi, sigurisht, një aleancë bërthamore. Qëllimi i NATO-s është, një botë pa armë, por për sa kohë që ka armë të tilla, ne do të mbetemi një aleancë bërthamore, sepse një bota në të cilën Rusia, Kina dhe Koreja e Veriut kanë armë bërthamore dhe mospasja e NATO-s është një botë më e rrezikshme”, tha Stoltenberg.

Sipas tij, Kina në veçanti po investon në armë moderne, përfshirë arsenalin e saj bërthamor, i cili sipas tij do të rritet në 1000 koka luftarake deri në vitin 2030.

“Dhe kjo do të thotë se në një të ardhme jo aq të largët, NATO mund të përballet me diçka që nuk është përballur kurrë më parë, domethënë dy kundërshtarë të mundshëm me armë bërthamore – Kina dhe Rusia”, tha Stoltenberg.

LEXO GJITHASHTU:

• Rriten fondet për armët bërthamore, 10 miliardë euro më shumë
• Siguria bërthamore dhe ushqimore në axhendën e ditës së dytë të samitit të paqes