NBA, COVID-19 detyron shtyrjen e ndeshjes Houston-Oklahoma

Ndeshja hapëse e sezonit të basketbollit amerikan (NBA) për Houston Rockets kundër Oklahoma City Thunder u shty për shkak se Houston nuk kishte mjaftueshëm lojtarë, kjo pasi tre basketbollistë rezultuan pozitivë me COVID-19 dhe katër të tjerë u vunë në karantinë për shkak të kontakteve direkte me ta.

Kështu Houston nuk mundi të siguronte të paktën tetë lojtarë të nevojshëm, sipas rregullores për të zhvilluar ndeshjen me Oklahoma.

Ndërkohë lojtari më i njohur i skuadrës, James Harden, u pezullua dhe gjobit me 50 mijë dollarë pasi rezultoi të ketë shkelur rregullat anti-Covid. Harden u pikas në një video të publikuar në rrjetet sociale duke mos mbajtur maskë në një klub nate.

Tonight’s scheduled Houston Rockets season opener at Toyota Center vs. the Thunder has been postponed in accordance with the NBA’s Health & Safety Protocols. Information regarding the rescheduled date of the game will be made available at a later time.

? https://t.co/Ce1xyQrNRw pic.twitter.com/ho3SNNYGAT

— Houston Rockets (@HoustonRockets) December 23, 2020

Tridhjetenjëvjeçari reagoi në Instagram duke komentuar se kishte marrë pjesë në një event për ngritjen në detyrë të së shoqes dhe jo në ndonjë “party”.

Në një deklaratë për shtyp NBA tha se Harden kishte shkelur rregulloren e ligës duke marrë pjesë në një event privat në mjedise të mbyllura të hënën e 21 dhjetorit.

Protokolli i miratuar nga NBA ndalon pjesëmarrjet në aktivitete me grumbullime mbi 15 persona.

Të mërkurën mbrëma u luajtën ndeshjet e dyta të sezonit të ri të NBA-së, ku spikatën fitoret e Cleveland Cavaliers (121-114) ndaj Charlotte Hornets, Boston Celtics (122-121) ndaj Milwaukee Bucks dhe Sacramento Kings (124-122) ndaj Denver Nuggets me kohë shtesë.

Lexoni gjithashtu:

NBA, Lakers e nis sezonin me humbje, rikthehet Kevin Durant

NBA, basketbollisti Antetokounmpo nënshkruan kontratën më të majme në histori