NBA, talenti LaMelo Ball realizon rekord ”triple-double”

LaMelo Ball u bë mbrëmjen e së shtunës lojtari më i ri në moshë në historinë e basketbollit amerikan që realizon një “triple-double”.

Nëntëmbëdhjetëvjeçari i Charlotte Hornets realizoi 22 pikë, 12 zotërime nën tabelë dhe 11 asiste në ndeshjen (113-105) që skuadra e tij fitoi ndaj Atlanta Hawks.

Me këtë realizim, Ball tejkaloi rekordin e Markelle Fultz i cili këtë arritje e kishte shënuar kur ishte 19 vjeç e 317 ditësh, 177 ditë më shumë se sa Ball.

LaMelo Ball comes off the bench to tally his first career triple-double! #AllFly @MELOD1P: 22 PTS, 12 REB, 11 AST pic.twitter.com/IHwfedr9G4

— NBA (@NBA) January 10, 2021

Dy mbrëmje më parë, kundër New Olreans Pelicans (ndeshje e fituar 118-110 nga Hornets) Ball i qe afruar pranë këtij rekordi teksa pati shënuar 12 pikë, 10 zotërime dhe 9 asiste.

Ball u bë njëkohësisht i pesti debutues në historinë e NBA-së që realizon një “triple double”.

Në ndeshjet e tjera të NBA-së, Portland fitoi 125-99 ndaj Sacramentos, Dallasi 112-98 ndaj Orlandos, San Antonio fitoi me kohë shtesë 125-122 ndaj Minnesotas, Milwaukee 100-90 ndaj Clevelandit dhe Miami 128-124 ndaj Washingtonit.

Lexoni gjithashtu:

Serie-A, Milan rikthehet te fitorja, Atalanta mposht 4-1 Beneventon

La Liga, Real Madrid ndalet në barazim nga Osasuna, përfiton Barcelona

Bundesliga, Dortmundi rikthehet në lojën për titull duke fituar ndaj Leipzig