Ndahet nga jeta artisti Sherif Merdani

Ka ndërruar jetë në moshën 81-vjeçare artisti i mirënjohur shqiptar Sherif Merdani. Ai vuante nga një sëmundje e rëndë, ndërsa kanë qenë të shumtë ata që kanë shprehur dhimbje për këtë humbje të pazëvendësueshme.

Këngëtari i muzikës së lehtë shqipe Sherif Merdani ka qenë i dënuar politik për disa vite me radhë. Festivali i 11-të i Radio Televizionit Shqiptar qe një goditje fatale për Merdanin, por edhe për disa disa kolegë të tjerë të tij, të cilët u përndoqën dhe u dënuan me burg nga regjimi i Enver Hoxhës.

Merdani nuk njihej vetëm si këngëtari që i këndoi nënës dhe dashurisë, por shërbeu qartësisht si një simbol rezistence ndaj censurës në art dhe muzikë.

Presidenti i Republikës Meta, kryeministri Rama dhe kreu i Partisë Demokratike Basha vdekjen e Merdanit, e konsideruan si “humbje të madhe” për artin dhe muzikën e lehtë shqiptare.