Ndarja nga jeta e Chuck Norris, Netanyahu publikon foton me aktorin: Mik i madh i Izraelit

Kryeministri izraelit, Benjamin Netanyahu ka reaguar përmes një postimi në “X” lidhur me ndarjen nga jeta të artistit të arteve marciale dhe aktorit Chuck Norris.

Netanyahu ka ndarë një foto të tij dhe Norris ku shihen të afërt dhe të buzëqeshur teksa kryeministri izraelit e ka cilësuar aktorin një mik të madh të Izraelit dhe mik të ngushtë të tij.

“Unë dhe Sara u pikëlluam thellësisht kur dëgjuam për ndarjen nga jeta të Chuck Norris, një mik i madh i Izraelit dhe një mik i ngushtë personal.

Chuck u solli artet marciale dhe ngrohtësinë e karakterit të tij miliona njerëzve në mbarë botën. Kujtimi i tij qoftë një bekim”, shkruan Netanyahu.

Norris vdiq mëngjesin e kësaj të premte në moshën 86-vjeçare. Lajmin e njoftoi familja e tij në Instagram.