“Ndërpritet energjia në Turqi”, qytetari: Gaziantepi qyteti më i prekur nga tërmeti

Qytetari në Stamboll, Vilson Imami ka dhënë detaje në ndihej me situatën në Turqi, e cila është goditur nga dy tërmete të njëpasnjëshme me magnitudë 7.8 ballë,

Në një intervistë për Euronews Albania ai bëri me dije se ekipet e shpëtimit, spitalet dhe pothuajse të gjithë institucionet janë në gjendje emergjente.

Më tej ai tha se Gaziantepi është një nga qytetet më të prekura në Turqi

“Spitalet, ekipet e shpëtimit, që të gjithë ndodhen në gjendje emergjente  dhe janë të gatshëm për t’u dhënë ndihmën e parë të prekurve nga tërmeti. Turqia në këtë aspekt është dhe shumë mirë e organizuar, qoftë dhe nga ekipet mjekësore dhe nga ekipet e kërkim-shpëtimit. Gaziantepi është një nga vendet më të prekura nga tërmeti.

Situata në vendet ku ka ndodhur tërmeti është shumë e rëndë, energjia elektrike është ndërprerë, janë ndërprerë rrjetet telefonike, por megjithatë njerëzit janë optimist. Të gjithë po mundohen të bëjnë diçka”- tha ai.

LEXONI GJITHASHTU: 

• I mbijetoi tërmetit, përlotet shqiptari: Si munda të zbres nga kati i 12-të
• A shkaktoi tërmeti në Turqi viktima nga Shqipëria? Flet ambasadori Kastriot Robo