Ndërron jetë legjenda meksikane, i pari futbollist që ka luajtur në 5 Kupa Bote

Legjenda e futbollit meksikan, Antonio Carbajal, futbollisti i parë që ka luajtur në pesë Kupa Bote, ka ndërruar jetë në moshën 93-vjeçare.

I njohur si “La Tota”, portieri ka luajtur në turnetë e Brazilit 1950, Zvicrës 1954, Suedisë 1958, Kilit 1962 dhe Anglisë 1966.

Carbajal mbajti rekordin i vetëm për 32 vjet, kur u barazua nga Lothar Matthaus në vitin 1998, i cili performoi gjithashtu në 5 Kupa Bote.

Carbajal  fitoi 48 paraqitje me përfaqësuesen e vendit të tij, 11 prej të cilave në Kupat e Botës, përveç 409 paraqitjeve në nivel klubesh.

Shumica e karrierës së tij 18-vjeçare si lojtar e kaloi në skuadrën meksikane Club Leon, ku luajti 364 ndeshje gjatë një qëndrimi 16-vjeçar.

Klubi tha se do të hapte dyert e stadiumit të enjten për të lejuar tifozët të bëjnë nderimet e tyre për Carbajal, i njohur gjithashtu si “El Cinco Copas” pas arritjes së tij.

“Don Antonio, legjendat nuk vdesin kurrë”, tha klubi në një mesazh publik.

Në total, pesë lojtarë kanë arritur rekordin historiketë Carbajal.

Mesfushori i Meksikës, Andres Guardado, ashtu si legjenda e Argjentinës Lionel Messi dhe portugezi Cristiano Ronaldo kanë mundur të luajnë në 5 kompeticione të Kupës së Botës