Ndërron jetë prezantuesi dhe komediani i njohur britanik

Prezantuesi dhe komediani i njohur britanik Paul O’Grady ka vdekur në moshën 67-vjeçare.

Lajmin e konfirmoi në një deklaratë për mediat bashkëshortja e tij, e cila tha se Paul vdiq papritur por në mënyrë paqësore.

Në deklaratë nuk jepet asnjë shkak mbi vdekjen e komedianit të njohur.

O’Grady u bë i famshëm në vitet 1990 me personazhin e tij “Lily Savage” duke vazhduar të prezantojë programe të tjera argëtuese në BBC.

Paul ishte ndër të parët i cili solli dashuritë për kafshët në ekran dhe veçanërisht qentë.

Më vonë gjatë karrierës së tij, ai vazhdoi të drejtonte një sërë emisionesh, dhe gjithashtu solli dashurinë e tij për qentë në ekran.

Ai kohët e fundit kishte qenë në turne duke luajtur Miss Hannigan në muzikalin Annie.

Një turne të cilin e kishte shumë përzemër dhe shpërndante shpesh postime në Instagram, duke shprehur kënaqësinë e tij në lidhje me shfaqjen.

Ai kishte planifikuar të prezantonte programin në Radio Boom për të dielën e Pashkëve.