Ndihmës Sekretari i DASH vjen në Tiranë më 30 qershor

Ndihmës Sekretari për Evropën dhe Euroazinë në DASH, Philip T. Reeker do të vizitojë Shqipërinë më 30 qershor. Reeker gjatë këtij turi në Evropë do të zhvillojë vizitë në Gjermani, Itali, Francë dhe Maqedoninë e Veriut.

Gjatë vizitës në Tiranë më 30 qershor, Ndihmës Sekretari Reeker do të takohet me Kryeministrin, Eid Rama si dhe zyrtarë të tjerë për të diskutuar mbi marrëdhëniet SHBA-Shqipëri dhe problemet që shqetësojnë të dy vendet.

Ndërsa gjatë vizitës në Ohër më 1 korrik, Reeker do të marrë pjesë në konferencën “Rruga e Prespës”, ku do të theksohet mbështetja që SHBA vazhdojnë të japin për dialogun dhe bashkëpunimin për stabilitet dhe zhvillim të mëtejshëm në rajon.