Turizmi gjatë pandemisë, Besnik Vathi: Janë larguar 70% e punonjësve, janë mbyllur 50% e bizneseve

Besnik Vathi, kryetar i Shoqatës së Tur-Operatorëve shqiptarë u shpreh për Euronews Albania se turizmi në Shqipëri është goditur shumë nga pandemia. Sipas tij janë pushuar nga puna 70% e punonjësve të sektorit të turizmit dhe janë mbyllur 50% e bizneseve.

“Biznesi i turizmit në Shqipëri është goditur shumë dhe pasojat do të jenë shumë më të rënda. Rreth 70% e punonjësve largim të punonjëse të këtij sektori, janë mbyllur rreth 50% e bizneseve në turizëm, kanë dorëzuar mjediset e tyre. Nuk  bëhet fjalë për aktivitet turizmi në një situatë pandemie”, u shpreh ai.

Vathi theksoi më tej se nuk mund të arrijmë në konkluzione që turizmi shqiptar shpëtoi nga ardhja e kosovarëve. Ai tha se këta të fundit kanë qenë thjesht një ndihmesë.

“Nga shifrat e dala deri në fund të tetorit edhe ardhja e turizmit kosovar është 45% më e ulët se vitin e kaluar. Pavarësisht se hyrja e tyre ka qenë e lirë numri i tyre është ulur. Nuk mundemi dot ne të arrijmë në konkluzione që turizmi shqiptar shpëtoi nga ardhja e kosovarëve. Turizmi shqiptar nuk vdiq për shkak të ardhjes së kosovarëve. Nëse nuk do të ishin edhe ata situata do të ishte akoma më e rëndë”, tha ai.

E njëjta situatë me turizmin është edhe në Kosovë.

Virtyt Gacaferri, guider turistik tregoi se qytetarët e Kosovës në këtë kohë pandemie preferojnë Shqipërinë dhe nuk kanë mundësi që të lëvizin nëpër Kosovë për shkak të kufizimit të orareve. Sipas tij, kjo sjell edhe një ulje të turizmit brenda vendit, i cili është një shqetësim shumë i madh për hoteleritë. 

Lexoni gjithashtu:

‘Pjesa dërrmuese e personelit janë hequr nga puna’, Kryetari i Shoqatës së Operatorëve: 2020, vit i zi për turizmin

Kufizimet e orareve në Kosovë, Virtyt Gacaferri: Kjo i detyron qytetatët të ikin për turizëm në Shqipëri, preferojnë Tiranën dhe bregdetin