Ndryshon situata e Covid-19 në Kosovë, katër qytetarë humbin jetën

Gjatë 24 orëve të fundit në Kosovë janë kryer 566 teste për Covid-19, ndërkohë vihet re një rritje e numrit të rasteve të reja.

Kështu, sipas IKSHPK-së, në orët e fundit janë zbuluar 80 raste të reja, kurse 32 qytetarë falë punës së mjekëve kanë arritur të  mposhtin me sukses pandeminë e Covid-19.

Autoritetet raportojnë gjithashtu se katër qytetarë kanë humbur jetën, duke e çuar kështu numrin total të viktimave në 645.

“Numri total i rasteve pozitive është 16.130 raste nga 73.906 persona të dyshimtë në virusin SARS-CoV-2 dhe 645 raste të vdekjes”, raporton IKSHPK-ja.

Rastet pozitive:

komuna Prishtinë 24 raste, komuna Gjilan 10 raste, komuna Gjakovë 8 raste, komuna Podujevë 6 raste, komuna Fushë Kosovë 5 raste, komuna Pejë 5 raste, komuna Vushtrri 5 raste, komuna Drenas 3 raste, komuna Rahovec 3 raste, komuna Istog 2 raste, komuna Mitrovicë 2 raste, komuna Viti 2 raste dhe me nga 1 rast Prizren, Klinë, Lipjan, Shtime dhe Deçan.

Autoritetet shëndetësore ftojnë qytetarët të ruajnë distancën, të vendosin maskë dhe të shmangin frekuentimin e ambienteve, ku ka grumbullime masive të njerëzve.