Në kërkim ndërkombëtar për drogë, ekstradohen drejt Italisë 2 shqiptarë

Ekstradohet drejt Italisë 49-vjeçari me iniciale F.T, pasi ishte në kërkim ndërkombëtar për drogë.

Sipas policisë 49-vjeçari ka pasur rolin e menaxherit të një grupi që merrej me trafik droge.

Nga Interpol Tirana u ekstradua drejt Italisë shtetasi në kërkim ndërkombëtar F. T., 49 vjeç banues në Lushnjë, për të cilin Gjykata e Pavias, Itali, ka lëshuar urdhrin e arrestit për veprimtari kriminale në fushën e drogës. Shtetasi F. T. ka pasur rolin e menaxherit të një grupi që merrej me trafikim droge. Ky shtetas, në periudha të ndryshme kohore, merrej me sigurimin e lëndës narkotike të llojit kokainë”, thuhet në njoftimin e policisë.

Po kështu është ekstraduar drejt Italisë, Fation Xhezairi, 35 vjeç, i cili është dënuar nga gjykata italiane me 5 vjet, 9 muaj e 6 ditë burg për veprën penale “Trafik droge”.

“Po nga Interpol Tirana u ekstradua për në Itali shtetasi në kërkim ndërkombëtar Fation Xhezairi, 35 vjeç, banues në Durrës, të cilin Gjykata Apelit e Ankonës, Itali, e ka dënuar me 5 vjet, 9 muaj e 6 ditë burg, për veprën penale “Trafik droge”. Nga fillimi i qershorit deri në fund të gushtit 2011, në një zonë të Italisë, ky shtetas, në bashkëpunim me shtetas të tjerë, është marrë me shitje të lëndëve narkotike dhe ka menaxhuar dorëzimin e lëndëve narkotike të llojit  kokainë dhe heroinë nga tregtarë droge me origjinë nga Italia. Në disa raste ka hasur problematika për të marrë paratë që i kishin borxh tregtarët lokal të drogës, të cilët ai i kërcënonte dhe i detyronte me dhunë që t’i jepnin paratë”, njofton policia.