Gazmir Mehmeti është menaxheri i një hoteli në Velipojë. Ky sezon turistik ka nisur i mbarë dhe ka një numër të knaqshëm prenotimesh. Por, për të problem për të mbetet punësimi i një kuzhinieri për restorantin.
“Problematika në filim ka qenë te stafi. Akoma nuk e kam gjetur kuzhinierin. Jemi ende në kërkim, kemi nxjerrë një njoftim”, thotë ai.
Edhe në një tjetër hotel në qëndër të Velipojës, problem mbetet gjetja e punëtorëve të specializuar të cilët në shumicën e rasteve zgjedhin të largohen jashtë vendit.
Këtë vit kushtet e punës dhe paga janë më mirë, por sigurimi i një punëtori përgjatë kulmit të sezonit mbetet i vështirë.
Nese një vit më parë paga e një kamarieri varionte nga 25 mijë në 35 mijë lekë, ketë vit kjo pagë varion nga 50 në 60 mijë lekë ndërsa paga e një menaxheri varion nga 800 në 1200 euro.
Shumica e të punësuarve vijnë nga qytet e tjera. Jashtë kameras, ata tregojnë se zgjodhën të punojnë në Velipojë për shkak të përmirësimit të kushteve, por në të ardhmen e afërt synimi është punësimi jashtë vendit.
Velipoja deri më tani ka një numër të konsiderueshëm të prenotimeve, por nuk ka punonjës mjaftueshëm për të përballuar fluksin.
LEXONI GJITHASHTU