‘Në thelb është njohja’, Haradinaj tregon detaje të planit franko-gjerman

Kryetari i AAK-së, Ramush Haradinaj ka dhënë detaje nga takimi që pati me kryeministrin e Kosovës, Albin Kurti, ku u diskutua për planin franko-gjerman për marrëveshjen Kosovë-Serbi.

Haradinaj thotë se në takim me kryeministrin Kurti e ka lexuar marrëveshjen, të cilën ia ka ofruar kryeministri Kurti që ta lexojë.

Ai bëri të ditur se ky draft është i ndarë në disa kapituj që janë marrë prej Kartës së OKB-së, ku këta kapituj i rregullojnë marrëdhëniet mes shteteve.

Haradinaj u shpreh në ‘T7’ se plani franko-gjerman përfshin edhe faktorin amerikan dhe fuqi të tjera perëndimore, ku sipas tij këtë marrëveshje SHBA ia heq Kosovës varshmërinë nga Serbia në aspekt shumëdimensional.

“Është mirë me qenë nënshkrimi amerikan në marrëveshje. Unë supozoj që duhet të jetë nënshkrimi, të paktën i Sekretarit të Shtetit, në këtë marrëveshje. Kjo është garancia që i duhet marrëveshjes”, theksoi ish-kryeministri.

LEXONI GJITHASHTU

• Bislimi: Targat nuk janë më pjesë e dialogut, por vendim që po zbatohet
• Ushtria serbe në gjendje gatishmërie, pas vendimit të qeverisë së Kosovës për targat
• Pas 21 nëntorit gjobë 150 euro për targat serbe, Policia e Kosovës sqaron procedurën