Nëna me kancer gjiri? Mjekja onkologe: 10%-14% mundësia ta keni dhe ju

Tetori është caktuar si muaji i ndërgjegjësimit për kancerin e gjirit. Një nismë kjo e ndërmarrë në të gjithë botën për të rritur vëmendjen dhe mbështetjen ndaj sensibilizimit, zbulimit te hershëm, trajtimit, si edhe kujdesin paliativ të kësaj sëmundjeje.

Stili i jetesës, angazhimi në aktivitete fizike, ruajtja e një peshe normale të trupit, si dhe ushqyerja e shëndetshme ndihmojnë në parandalimin e kancerit të gjirit.

Mjekja onkologe Kleida Mati tha në një intervistë për Euronews Albania  se mundësia që kjo sëmundje të trashëgohet nga nëna te vajza janë 10-14 për qind.

“Trendi është rritës pasi faktorët e riskut janë shtuar për shkak të ndryshimit të stilit të jetesës. Kanceri i gjirit po diagnostikohet gjithnjë e më shumë në moshat e reja. Në këto raste janë edhe më agresivë dhe trajtimi i tyre është edhe më i vështirë. Gjenetika në kancerin e gjirit mund të jetë 10-14 për qind të rasteve përcaktuese. Shpesh gratë e përjashtojnë veten nga mundësia për t’u prekur,  por jo domosdoshmërish duhet të kesh në historinë familjare raste me kancer gjiri për t’u prekur”, shpjegoi mjekja.

LEXONI GJITHASHTU:

• “Kanceri ka shumë kosto”, Pacientja: Mjerë ata që nuk kanë për ilaçe e kimioterapi
• “Bëra 3 lindje, asnjë vizitë te mjeku”, Pacientja: Kancerin e zbulova para 7 vitesh