“Nënë dëshmori”, gazetari tregon detaje për dhunimin e të moshuarës në Pejë

Gazetari i Euronews Albania Kosovë Gjoci, ka dhënë detaje në lidhje me dhunimin e të moshuarës në shtëpinë e të moshuarve në Pejë, nga një infermiere.

Mësohet se e moshuara ka qenë nënë e një dëshmori që është vrarë në luftë, ndërsa shtoi se tashmë familjarët po bëjnë përpjekje që ta largojnë nga azili.

Sipas gazetarit të afërmit paguanin 700 euro në muaj për shërbimin dhe qëndrimin e të moshuarës në azilin “Orenda” në Pejë.

Ngjarja e rëndë ndodhi në Pejë, ku në pamjet e publikuara në rrjetet sociale, shihet se si disa punonjëse shtëpisë së të moshuarve “Orenda”, kanë sulmuar fizikisht një grua të moshuar, ndërsa njëra prej tyre e ka qëlluar me shpulla e shqelma.

Për pasojë është bërë arrestimi i vajzës që ka dhunuar të moshuarën si edhe vajzën që ka bërë videon.

Ndërkohë deri më tani katër infermiere të kësaj shtëpie janë pezulluar nga puna, përfshirë dhe atë që ka ushtruar dhunë.

LEXONI GJITHASHTU: 

• Dhunimi i të moshuarës, pezullohen nga puna katër infermieret e azilit në Pejë
• Sveçla për vendimin për targat: SHBA-të nuk janë zhgënjyer me Kosovën