Nënkryetari i OVL-UÇK-së Nasim Haradinaj përballet sot me “Specialen”

Nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj, do të paraqitet sot pasdite para trupit gjykues në Dhomave të Specializuara në Hagë.

Lajmi bëhet i ditur nga vetë Gjykata Speciale. Ai u arrestua të premten që shkoi, ndërsa akuzohet për  ‘frikësimi të dëshmitarëve’, ‘hakmarrje’ dhe ‘shkelje të fshehtësisë së procedurës’.

Arrestimet e drejtuesve të OVL-UÇK-së ngjallën debate të shumta në sferën politike, por edhe atë të shoqërisë civile.

Ndërkohë, ish-drejtuesi dhe eprori i Ushtrisë Çlirimtare të Kosovës, Salih Mustafa u paraqit ditën e djeshme para Dhomave të Specializuara në Hagë, por nuk zgjodhi të flasë mbi krimet e luftës, për të cilat akuzohet.

“Nuk do të deklarohem sot, do të konsultohem me avokatin”, tha Mustafa, i cili do të qëndrojë në paraburgim.

Lexoni gjithashtu:

Salih Mustafa para Gjykatës Speciale, nuk deklarohet për akuzat për krime lufte

Zyra e Prokurorisë Speciale nuk jep detaje nëse ka të arrestuar të tjerë përveç Gucatit dhe Haradinajt

Hysni Gucati në Hagë, familja pret të nisë betejën ligjore me Gjykatën Speciale