Nesër fillon faza 4-2 e punimeve në Unazën e Madhe, publikohet plani i trafikut nga data 27 mars

Në orën 20:00 të ditës së nesërme fillon faza 4-2 e punimeve në lotin e parë të Unazës së Madhe.

Autoriteti rrugor shqiptar ka publikuar planin e trafikut me mënyrat e aksesimit të rrugëve që prekën nga ky lot.

Hyrja në Tiranë nga Durrësi drejt rrugës “Teodor Keko” mbetet e pandryshuar.

Rruga “Dritan Hoxha”mund të aksesohet përsëri nëpërmjet rrugës “Abedin Rexha” me një sens lëvizje.

Kalimi nga rruga “Teodor Keko” drejt rrugës “Dritan Hoxha” do të jetë i mundur dhe i aksesueshem.

Nëpërmjet një gjysmë rrethi mund të kalohet nga rruga “Teodor Keko” drejt qytetit të Durrësit.

Kalimi nga rruga “Dritan Hoxha” drejt Durrësit mbetet e pandryshuar me mundësi kalimi edhe nëpërmjet Galerisë Nr. 4 edhe nëpërmjet rrugës paralele.

Faza 4-2 e punimeve parashikohet të zgjasë rreth një javë.