Netanyahu: Në dhjetor do të takohem me presidentin Trump

Kryeministri izraelit, Benjamin Netanyahu gjatë një konferencë të përbashkët për shtyp me kancelarin gjerman Friedrich Merz, ka zbuluar se do të takohet me Presidentin e SHBA-së Donald Trump në dhjetor.

Merz mbërriti në Izrael të shtunën për vizitën e tij të parë që nga marrja e detyrës, duke riafirmuar mbështetjen e Berlinit pasi lidhjet tradicionalisht të forta midis dy vendeve janë tronditur kohët e fundit. Të dy mbajtën një konferencë të përbashkët për shtyp të dielën pasdite.

Kryeministri i Izraelit tha se beson që faza e parë e armëpushimit në Gaza po i afrohet fundit dhe pret që së shpejti të kalojë në fazën e dytë. Netanyahu tha se mundësitë për paqe janë afër pas operacioneve ushtarake të Izraelit në vitet e fundit.

“Do t’i diskutoj ato me Presidentin Trump kur ta takoj më vonë këtë muaj”, tha ai, duke shtuar se do të diskutojnë si t’i japin fund sundimit të Hamasit në Gaza.

Pas kthimit të trupit të pengut të fundit, Toger Ran Gvili, Netanyahu theksoi se presin që së shpejti të kalojnë në fazën e dytë, duke shtuar se beson që ajo fazë do të jetë më e vështirë. Ai thotë se faza e tretë do të jetë deradikalizimi i Gazës.

LEXONI GJITHASHTU:

• Çernobili në rrezik! Del nga funksioni mburoja bërthamore pas sulmit me dron  
• Koha e duhur për municione? Kosova futet në lojë