Nga kampingjet te dhomat e anijeve turistike, akomodimi i tifozëve në “Katar 2022”

Kur mungojnë vetëm pak ditë nga nisja, fansat kanë filluar të mbërrijnë në Katar, me vendin që po bëhet gati të presë Kupën e Botës, që për herë të parë në histori luhet në Lindjen e Mesme.

Mbi 1 milionë tifozë pritet të mbërrijnë në vend gjatë turneut. Atyre u janë dhënë alternativa mes apartamenteve, hoteleve, kampingjeve në shkretëtirë, vilave, fshatrave të vegjël dhe madje kabinave në anije turistike.

E para e tre anijeve turistike që do të përdoret për akomodimin e fansave gjatë Kupës së Botës mbërriti në Doha pak ditë më parë.

Autoritetet në Katar vlerësojnë se do të kenë 130 mijë dhoma në ditë për turneun.

Sa i takon akomodimit, ai është bërë objekt debatesh që kur Katarit iu dha mundësia për të mbajtur Kupën e Botës në 2010-n, por presidenti i FIFA-s thotë se ky do të jetë Botërori më i mirë në histori.

Nuk e dimë nëse kjo do të jetë e vërtetë, por e sigurt është se sytë e të gjithë botës do të drejtohen nga Katari në ditët e ardhshme dhe gjatë muajve që do të vijnë”.