Nga sot nis lehtësimi i masave anti-COVID në Kosovë

Qeveria e Republikës së Kosovës ka zhvilluar një mbledhje ditën e djeshme ku ka vendosur të miratojë masa dhe rregulla të reja anti-COVID në vend.

Ministri i Shëndetësisë, Arben Vitia, ka njoftuar se institucionet publike dhe private të të gjitha niveleve të arsimit ta vazhdojnë mësimin sipas udhëzuesit përkatës për sektorin e arsimit.

Nga e hëna e 19 prillit, rihapen të gjitha shërbimet gastronomike, dhe ato hotelerie, por edhe qendrat tregtare, të cilat prej kohësh qëndrojnë të mbyllura.

Gjithashtu është zgjatur ora policore, e cila duke nisur nga sot do të jetë nga ora 22:30  deri në orën 05:00 të mëngjesit.

Muzika do të lejohet deri në orën 21:45, por edhe një rritje të numrit të personave që do të mund të qëndrojnë në ambiente të brendshme, tashme lejohen 40 persona ne 100 metra katrorë.

Gjithsesi përtej këtyre lehtësimeve, maska vazhdon te jetë e detyrueshme si më pare, por edhe personat te cilët hyjnë në territorin e Kosovës do të duhet të kenë me vete një test RT-PCR negativ për COVID-19 të bërë në 72 orët e fundit.

Lexoni gjithashtu:

Vaksinimi në Kosovë, Haxhiu: Kam siguruar 500 mijë deri në 3 milionë vaksina Pfizer-Biontech