Dy të vrarët mbrëmjen e djeshme në Elbasan nuk kanë qenë vetëm me njeri-tjetrin. Euronews Albania mëson se së bashku me ta ka qënë shtetasi, Florenc Çekrezi, i cili nga breshëria e plumbave ka pësuar djegie në pjesën e kokës, por është jashtë rrezikut për jetën.

Çekrezi ka qenë personi i parë, që është marrë në pyetje ku para hetuesve nuk ka dhënë deklarime të vlefshme që mund të çonin grupin hetimor tek atentatorët që mendohet të kenë qenë tre.

Florenc Cekrezi rezulton të jetë i afërmi i Lulzim Bitrit dhe ka qenë ai, i cili ka dërguar me makinën e tij viktimën në vendin e ngjarjes pasi ky i fundit do takonte Ardian Subashin(Collaku), që gjithashtu mbeti i vrarë në atentatin e mbërmjes së kaluar në Elbasan.

Sipas të dhënave, Çekrezi është person pa precedent dhe punon me eskavator. Në momentin e breshërisë së plumbave ai ka deklaruar se është shtrirë në tokë dhe ka evidentuar dy persona, që qëllonin në drejtim të tyre, por asnjë detaj tjetër që mund t’u vinte në ndihmë hetuesve për idetifikimin e autorëve.

LEXONI GJITHASHTU:

• Atentati në Elbasan, humb jetën në spital Ardian Çollaku
• 3 persona dyshohet se kryen atentatin me 2 viktima në Elbasan