Ngatërruan pajisjen për të pirë marijuanë me AK-47, policia arreston australianin

Policia australiane ka arrestuar një burrë pasi ky i fundit mbante një pajisje për të pirë marijuanë që ngjasonte me një kallashnikov AK-47.

Efektivët u lajmëruan dhe nxituan për të shmangur një sulm të mundshëm terrorist, ndërkohë që 50-vjeçari ishte një përdorues i lëndëve narkotike.

Sidoqoftë ai u akuzua për posedim të një arme zjarri të paautorizuar dhe kanosje. 50-vjeçarit i është caktuar masa e paraburgimit dhe çështja e tij do të shqyrtohet në muajin prill.

Policia do të dëshmojë në gjykatë duke sqaruar se sendi i sekuestruar ishte një bong, një pajisje filtruese e mbushur me ujë e përdorur për të tymosur marijuanë dhe substanca të tjera bimore, raportuan mediat lokale.

LEXONI GJITHASHTU:

• FOTO | Ky është personi i dytë që mbeti viktimë nga konflikti me armë në Kavajë
• Kultivonin marijuanë në Evropën Veriore, arrestohen 9 shqiptarë për trafikim droge