Ngjarja në Elbasan, Hajdari: Kishte prapavijë politike, qytetarët nuk e duan këtë terror

Kandidatja e partisë Nisma Thurje në qarkun e Elbasanit, Rudina Hajdari tha se ngjarja e ndodhur në Elbasan ku u plagosën katër persona dhe mbeti i vrarë një tjetër, kishte prapavijë politike.

Sipas saj qytetarët nuk e duan këtë terror dhe ngjarja ka sjellë shumë ankth dhe pasiguri te qytetarët.

“kemi bërë fushatë derë më derë dhe sot është shumë e vështirë që qytetarët të hapin dyert e tyre,” – u shpreh Hajdari.

Kandidatja për deputete tha se është e rëndësishme të flitet për ecurinë e zhvillimit të qytetit dhe jo të ketë të tilla ngjarje shqetësuese.

Sipas saj fakti që dy parti politike fajësojnë njëra tjetrën për një akt aq të shëmtuar, siç e cilësoi dhe Hajdari, është komplet i panevojshëm, teksa shtoi gjithashtu se misioni i politikanëve duhet të jetë të shpërndajnë shpresë dhe jo frikë apo para për blerje vote.

Ndërkaq, ajo theksoi se duhet garantuar siguria që qytetarët të dalin lirshëm në zgjedhje për të ushtruar të drejtën e tyre të votës. Hajdari tha se ngjarja në Elbasan nuk do t’i pengojë qytetarët të votojnë duke qenë se qytetarët e duan ndryshimin.

LEXONI GJITHASHTU: 

• Vrasja në Elbasan, Ylli Manjani: Prokurori i Përgjithshëm të marrë në kontroll situatën
• Vrasja në Elbasan, merret në pyetje ish-punonjësi i policisë Pavlo Vuksani
• Policia arreston 11 persona për përplasjen me armë në Elbasan