“Ngjarja në Klos dramatike”, aktivistja: Nëna e ka tabu të flasë me vajzën

Aktivistja e Shoqërisë Civile, Sevim Arbana ka komentuar ngjarjen e rëndë që ndodhi dy ditë më parë në Klos, ku humbën jetën tre persona dhe u plagosën dy të tjerë.

Në një intervistë për Euronews Albania, Arbana theksoi se nënat shqiptare sot e kanë tabu të flasin me vajzat.

Ajo theksoi se është familja dhe shkolla ajo që duhet t’i ndërgjegjësojnë të rinjtë, ndërsa e cilësoi ngjarjen në Klos dramatike.

“Ky është risku i të gjithë rrjeteve sociale. Por ajo që ka më shumë rëndësi është që ne këto vajza t’i bëjmë të ndërgjegjshme dhe  në këtë rast ësht5ë familja dhe shkolla sepse nuk ka të tjerë që mund të ndikojnë në mentalitetin e një djali dhe vajze minorene. Problem është që nëna në vendin tonë e ka tabu, të ndaluar të flasë në kuptimin metaforik sepse nuk ka arritur në raportin e duhur me fëmijën. Problemi është se çfarë ne u japim të rinjve, si t’i edukojmë. E japin vajzën 16-vjeç, kjo është e tmerrshme, e japin vajzën si qen. Kjo është një dramë e papërshkrueshme”- u shpreh ajo.

LEXONI GJITHASHTU: 

• Kurti merr pjesë në Kongresin e Partisë së Socialistëve Evropianë
• Masakra në Klos, aktivistja: Vajza të largohet, të fillojë trajtimi psiko-social