Një ngjarje e rëndë ka ndodhur në fshatin Pozhoran të Vitisë, ku raportohet se katër persona të së njëjtës familje kanë humbur jetën, në rrethana ende të paqarta.
Këtë lajm për KosovaPress e ka konfirmuar zëdhënësi i Policisë së Kosovës për rajonin e Gjilanit, Ismet Hashani, i cili ka konfirmuar ngjarjen, por pa dhënë detaje shtesë.
“Fatkeqësisht është e vërtetë. Kemi katër viktima të një familje. Për momentin nuk i dimë detajet se si ka ardhur deri te kjo vrasje. Unë jam në vendngjarje. Është këtu edhe ekipi i Mjekësisë Ligjore. Rasti ka ndodhur në ora 18:10. Fatkeqësisht është vrasje familjare, por për gjininë dhe si nuk mund të dimë. Prokuroi i rastit është këtu dhe trupat e pajetë do të tërhiqen “, tha ai.
Ndërsa burime ende të pakonfirmuara zyrtarisht i thanë Kosova Press se burri ka vrarë bashkëshorten, dy djemtë e tij dhe më pas veten. Policia e Kosovës dhe grupi hetimor ndodhen në vendngjarje dhe po punojnë për zbardhjen e saj.
