Ngjarjet e fundit, Veliu dhe Vocaj takim me drejtuesen e Prokurorisë së Tiranës

Drejtori i Përgjithshëm i Policisë së Shtetit Ardi Veliu dhe drejtori i Policisë Kriminale, Tonin Vocaj kanë zhvilluar një takim me drejtuesen e Prokurorisë së Tiranës, Elizabeta Imeraj.

Referuar burimeve, gazetari i Euronews Albania, Eni Ferhati raporton se fokusi i takimit është vendosur tek ngjarjet e fundit. Prej disa ditësh në rrugët e vendit gjatë orëve të mbrëmjes janë parë postblloqe policie pas disa ngjarjeve të rënda kriminale.

Ky plan masah ka pë qëllim mbajtjen nën kontroll të situatës ndërkohë që rezultatet, janë disa armë të kapura dhe disa persona të ndaluar që ishin në kërkim.

Plani i Masave për parandalimin dhe goditjen e veprimtarisë kriminale, kapjen e personave në kërkim, personave që mbajnë armë pa leje apo  atyre me tendencë në krimet kundër personit, për policnë ka dhënë rezultate të kënaqshme.

Në 73 pikat e kontrollit që janë parë gjatë orëve të mbrëmjes pothuajse në të gjithë qytetet e vendit, burime nga uniformat blu bëjnë me dije se janë kapur rreth 20 armë pa leje dhe 30 persona në kërkim për vepra të ndryshme penale.

 Lexoni gjithashtu: 

Kontrollet me postoblloqe, kapen disa armë dhe persona në kërkim gjatë aksionit policor