Nis fushata për zgjedhjet lokale në Podujevë dhe Mitrovicën e Veriut

Këtë javë në Kosovë do të zhvillohen zgjedhjet lokale në dy komuna, atë të Podujevës dhe Mitrovicës së Veriut. Komisioni Qendror i Zgjedhjeve i ka lënë partive 1 javë afat për të kryer fushatën, teksa zgjedhjet do të mbahen të dielën.

Votimet për Podujevë mbahen, pasi kryetari i kësaj komune Agim Veliu u emërua në postin e ministrit të Brendshëm të qeverisë së Kosovës. Ato ishin parashikuar të mbahen më 15 mars, por për shkak të pandemisë me koronavirus u shtynë për 29 nëntor.

Në lidhje me këto zgjedhje korrespondenti i Euronews Albania në Prishtinë, Jeton Musliu se në garë për komunën e Podujevës janë tre parti LDK, LVV dhe PDK.

“Sot fillon fushata elektorale, kjo fushatë po mbahet në kohë pandemie, pa tubime të mëdha, por megjithatë kryetari i Lëvizjes Vetëvendosje, parti kjo që garon për kryetar të komunës së Podujevës, do të mbajë një konferencë për mediat.

Do të nisë kështu fushata 5 ditore elektorale. Për komunën e Podujevës garojnë tre parti me nga një kandidat, LDK, LVV dhe PDK.

Zgjedhjet në Podujevë shihen edhe një test mes LDK-së dhe VV-së” u shpreh ai.

“Ndërsa sa i përket zgjedhjet në Mitrovicën e Veriut, garojnë disa kandidatë. Garon Lista Serbe, e cila është favorite, një kandidat i pavarur, LVV me një kandidat i PDK-së”, tha ai më tej.