Presidenti kinez, Xi Jinping i ka hapur të shtunën Lojërat Aziatike, të 19-at me radhë, në një ceremoni shumëngjyrëshe në Hangzhou.

Lojërat do të zgjasin për dy javë dhe to marrin pjesë më shumë atletë sesa në Lojërat Olimpike.

Pas shtyrjes së tyre prej vitit të kaluar – për shkak të zbatimit të politikës zero raste me koronavirus – më shumë se 12.000 garues prej 45 vendeve dhe territoreve do të garojnë në 40 sporte.

Në mesin e mysafirëve për hapje të këtyre Lojërave është parë presidenti sirian, Bashar al-Assad.

Kjo herë hera e parë që Assad e ka vizituar Kinën prej nisjes së luftës civile në Siri më 2011.

Presidenti i Komitetit Olimpik Ndërkombëtar, Thomas Bach ka qenë në mesin e mysafirëve.

Liderë nga Kamboxhia, Kuvajti dhe Nepali, kanë qenë aty, po ashtu.

“Më në fund mund të mblidhemi për Lojërat e 19-ta Aziatike”, ka thënë Raja Randhir Singh, ushtrues detyre i presidentit të Këshillit Olimpik të Azisë.

Simboli i ceremonisë së këtij viti ka qenë uji.

LEXONI GJITHASHTU:

• Sirianët protestojnë kundër Assadit
• Bashar al-Assad kritikon Perëndimin në daljen e parë publike që nga tërmeti