Një çift në Korçë sulmohet me qëllim për t’u grabitur

Një çift është sulmuar me qëllim për t’u grabitur në Korçë. Ngjaja ka ndodhur rreth orës 22:30 në një zonë në periferi të qytetit ku mungon ndriçimi.

Sipas të dhënave të para mësohet se makina me targë AB 426 CF ka qenë e ndaluar kur një person është afruar ndërsa drejtuesi i mjetit, një i ri identiteti i të cilit nuk bëhet i ditur, ka dalë nga mjeti dhe është larguar.

Autori që nuk dihet nëse ka arritur të marrë ndonjë send me vlerë, më pas është larguar për t’i shpëtuar kapjes nga policia.

Ndërkohë në komisariat është shoqëruar çifti për të dhënë sqarime për këtë ngjarje.

Kjo nuk është hera e parë që në këtë zonë, e cila frekuentohet nga shumë të rinj, ndodhin sulme të tilla.