Një goditje zogjsh mund të ketë shkaktuar problemet në avionin e Koresë së Jugut

Avioni i Jeju Air mori një paralajmërim për goditjen e shpendëve pak para se të tentonte të ulej në Muan, ndërsa piloti deklaroi ‘mayday’ vetëm një minutë më vonë.

Një zyrtar i emergjencës së Koresë së Jugut tha të dielën se hetuesit po “supozojnë” se ose një “goditje zogjsh” ose “përkeqësimi i kushteve të motit” shkaktoi problemet te avioni në Korenë e Jugut, i cili pasi u ul në pistë pa hapur rrotat, mbetën të vdekur rreth 179 njerëz pasi avioni shpërtheu kur u përplas në një mur në fund të pistës.

Shefi i stacionit lokal të zjarrfikësve Lee Jeong-hyeon u tha gazetarëve në Muan se “shkaku i saktë do të përcaktohet nga një hetim i mëtejshëm”.

Ai po fliste pasi avioni i pasagjerëve shpërtheu në flakë më herët gjatë ditës kur rrëshqiti nga pista në Muan dhe u përplas në një gardh betoni. Ministria e Transportit tha se avioni ishte një avion 15-vjeçar Boeing 737-800 që po kthehej nga Bangkok.

Megjithatë, disa ekspertë kanë vënë në pikëpyetje këto sugjerime fillestare, duke thënë se mbeten paqartësi për shkakun e mundshëm të problemti. Më së shumti, vëzhguesit vunë në dukje mungesën e mjeteve të uljes të parë në pamjet e përplasjes.

Redaktori i Airline News, Geoffrey Thomas, vuri gjithashtu në dyshim mungesën e dukshme të shërbimeve të urgjencës në pistë që zakonisht vendosen nëse pritet një ulje në bark.

Kur mjetet e uljes nuk funksionojnë, shkuma zakonisht shtrihet në pistë nga zjarrfikësit ndërsa më i pakuptueshëm ishte muri me të cilin u përplas avioni në fund të pistës pasi nëse ai mur nuk do të ishte pilotët bën të pamundurën e tyre dhe të gjithë mund të kishin mbijetuar.

Këtë javë, dy aeroplanë të tjerë – një nga KLM dhe një nga Air Canada – duhej të bënin ulje emergjente.

LEXONI GJITHASHTU:

• Presidenti i Azerbajxhanit: Avioni u rrëzua nga Rusia
• Rrëzohet aeroplani me 181 persona në Korenë e Jugut, të paktën 151 të vdekur