Një i vdekur dhe 11 raste të reja me COVID-19 në Kosovë

Në Kosovë si pasojë e COVID-19 ka humbur jetën një qytetar, ndërsa 11 të tjerë janë konfirmuar pozitivë.

Të dhënat janë bërë publike nga Ministria e Shëndetësisë, e cila thotë se infektimet e reja janë zbuluar pas kryerjes së 1658 testeve të dyshuara.

Gjatë 24 orëve të fundit gjashtë qytetarë janë shëruar, duke e çuar këtë shifër mbi 105 mijë. Aktualisht bëhet e ditur se në të gjitha qytetet e Kosovës janë të konfirmuar 170 raste aktive.

Ministria e Shëndetësisë thekson se procesi i vaksinimit vijon të kryhet tek ato grupe shoqërore, të cilat janë klasifikuar si më të rrezikuara nga epidemia e COVID-19.

Bazuar në këto sfida, qeveria e Kosovës ka rishikuar buxhetin për vitin 2021, ku prioritetet kryesore i ka vendosur tek rimëkëmbja e ekonomisë pasi përhapja e virusit dhe ndalimi i aktiviteteve në shumë sektorë ka krijuar hendek të madh në sektorin ekonomik.