Një i vdekur dhe 18 raste të reja me COVID-19 në Kosovë

Në Kosovë në orët e fundit ka ndërruar jetë një qytetar pas infektimit me virusin vdekjeprurës të COVID-19.

Të dhënat bëhen publike nga Ministria e Shëndetësisë, e cila thekson se pas kryerjes së 1963 testeve të dyshuara për coronavirus, 18 prej tyre janë konfirmuar pozitivë.

Këtë të martë numri i të shëruarve nuk ka shënuar rritje në raport me rastet pozitive. Sipas MSH-së, 14 qytetarë në orët e fundit janë shëruar duke e çuar numrin total të tyre mbi 105 mijë.

Prej fillimit të vaksinimit në të gjitha qytetet e Kosovës janë injektuar 141.008 doza vaksinash.

Kosova prej ditësh ka lehtësuar masat kufizuese anti-COVID dhe kjo masë ka shtuar entuziazmin tek qytetarët.