Një i vrarë dhe dy të plagosur në Mitrovicë

Një ngjarje e rëndë ka ndodhur paraditen e kësaj të shtune në qytetin e Mitrovicës në Ksoovë. Raportohet se një person ka humbur jetën dhe dy të tjerë kanë mbetur të plagosur pas një përleshje me armë në vendin e quajtur si  “Tregun e Gjelbër” .

“Rreth orës 11:27, policia në Mitrovicë është njoftuar për një rast në Tregun e Gjelbër në Mitrovicë ku është përdorur arma e zjarrit. Policia ka kuptuar se një person, ka shtënë në drejtim të tre personave të cilët janë të plagosur, të njëjtit janë dërguar për trajtim mjekësor në Spitalin Rajonal në Mitrovicë.  Raportohet se një nga të plagosurit ka ndërruar jetë”, raporton policia.

Policia e Kosovës ka nisur hetimet për zbardhjen e motiveve të ngjarjes, e cila la pas një të vdekur dhe dy të plagosur.