Një javë pushime pranverore, Kosova dezinfekton shkollat dhe i jep fund mësimit online

Javën e ardhshme të gjitha institucionet e arsimit parauniversitar në Kosovë do të bëjnë një javë pushim pranveror.

Kjo periudhë do të shërbejë për të bërë dezinfektimin e të gjitha objekteve shkollore, si dhe do të vlerësohet situata epidemiologjike në shkollat në nivel vendi.

Pas kësaj ndërprerjeje është parashikuar, që fëmijët do të kthehen për të vazhduar mësimin me prezencë fizike dhe jo më online.

Një iniciativë e tillë është rekomanduar nga përfaqësuesi i Institutit Kombëtar të Shëndetit Publik, si dhe ka gjetur mbështetjen e Ministrisë së Arsimit të Kosovës.